پاکستان نے ٹی ٹوئنٹی کا سب سے بڑا ہدف حاصل کر لیا

ہم نیوز  |  Apr 11, 2021

پاکستان نے ٹی ٹوئنٹی میچ میں جنوبی افریقہ کی جانب سے دیا گیا سب سے بڑا ہدف پورا کر لیا۔

غیر ملکی خبر رساں ایجنسی کے مطابق پاکستان کرکٹ ٹیم نے گزشتہ روز جنوبی افریقہ کی جانب سے دیا گیا ٹی ٹوئنٹی میچز کا 189 رنز کا سب سے بڑا ہدف حاصل کر لیا۔

جنوبی افریقہ کی ٹیم نے پہلے بیٹنگ کرتے ہوئے پاکستان کو 6 کھلاڑیوں کے نقصان پر 188 رنز بنائے جسے پاکستان کرکٹ ٹیم نے 6 کھلاڑیوں کے نقصان پر ہدف پورا کر لیا۔

پاکستانی کھلاڑی رضوان سب سے زیادہ 74 رنز بنا کر ناٹ آؤٹ رہے جبکہ اشرف نے 30 رنز بنائے۔

قومی ٹیم کی جانب سے اننگز کا آغاز کپتان بابراعظم اور محمد رضوان نے کیا۔ بابراعظم اس بار لمبی باری لینے میں ناکام رہے اور 14 رنز بنا کر آوٹ ہو گئے۔

ون ڈے سیریز میں لگاتار دو سنچریاں اسکور کرنے والے فخر زمان نے اپنی فارم کا تسلسل ٹی ٹوئنٹی  میں بھی جاری رکھا اور چار چوکوں ایک چھکے کی مدد سے 27 رنز بنا کر آوٹ ہوئے۔

جنوبی افریقا کی جانب سے اننگز کا آغاز ایڈن مارکرم اور جان من مالان نے کیا جنہوں نے پہلی وکٹ کے لئے 31 رنز کی شراکت داری قائم کی۔

مالان نے اننگز کے دوسرے اوور میں شاہین شاہ آفریدی کو میدان کے چاروں اطراف باونڈریز لگائی اور ایک اوور میں 16 رنز اسکور کئے۔

یہ بھی پڑھیں: 

اس موقع پر رنز کا بہاو روکنے کے لیے محمد نواز نے عمدہ گیند بازی کا مظاہرہ کیا اور مالان کی قیمتی وکٹ لی۔ ڈیبیو کرنے والے بلے باز لوبے زیادہ دیر کریز پر نہ رک سکے اور حسن علی کی گیند پر کیچ تھما بیٹھے۔

اس موقع پر مارکرم اور کالاسین نے جارحانہ بلے بازی کرتے ہوئے 62 رنز کی شراکت داری قائم کی۔ ایڈن مارکرم اور کالاسین نے بالترتیب 51 اور 50 رنز کی جارحانہ اننگز کھیلی۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More