دوسرا ٹی 20: جنوبی افریقہ نے پاکستان کو 6 وکٹوں سے ہرا دیا

ہم نیوز  |  Apr 12, 2021

جوہانسبرگ میں کھیلے گئے دوسرے ٹی ٹوئنٹی میچ میں جنوبی افریقہ نے پاکستان کو 6 وکٹوں سے ہرا دیا، جس کے بعد 4 میچز کی سیریز ایک ایک سے برابر ہوگئی۔

دوسرے ٹی ٹوئنٹی میں پاکستان نے میزبان جنوبی افریقا کو جیت کے لیے 141 رنزکا ہدف دیا تھا، جنوبی افریقہ ہدف کا کامیاب تعاقب کیا اور پاکستان کو 6 وکٹوں سے ہرا دیا۔

جنوبی افریقہ کے بلے باز ایڈن مار کرم نے 30 گیندوں پر 54 رنز کی دھواں دار اننگز کھیلی جبکہ جنوبی افریقی کپتان ہینرچ کلاسن نے 36 رنز بنائے۔

مزید پڑھیں: 

پاکستان کی جانب سے عثمان قادر نے 2، حسن علی اور محمد حسنین نے ایک،ایک وکٹ لی۔

اس سے قبل قومی ٹیم کے کپتان بابر اعظم نے ٹاس جیت کر پہلے بیٹنگ کا فیصلہ کیا۔ پاکستان کی جانب سے کپتان بابراعظم 50 اور محمد حفیظ 32 رنز بنا کر نمایاں رہے،حسن علی اور حیدر علی نے 12، 12 رنز بنائے۔

جنوبی افریقا کی جانب سے جارج لینڈا اور لیزا ڈولیمز نے تین، تین وکٹیں حاصل کیں، تبریز شمسی اور سیسانڈا ماگالا نے ایک ایک کھلاڑی کوآؤٹ کیا۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More