پنجاب میں اسمارٹ لاک ڈاؤن میں 26اپریل تک توسیع

سماء نیوز  |  Apr 13, 2021

فوٹو: آن لائن

کرونا وائرس کی تیسری لہر میں بڑھتے ہوئے کیسز کے پیش نظر پنجاب میں اسمارٹ لاک ڈاؤن میں 26 اپريل تک توسیع کر دی گئی۔

اس حوالے سے پنجاب حکومت کی جانب سے نوٹيفيکيشن جاری کر ديا گيا۔

نوٹيفيکيشن کے مطابق 8 فی صد سے کم مثبت شرح والے شہروں میں انڈور شادیاں اور مارکیاں بند رہیں گی جبکہ 8 فی صد سے زائد مثبت شرح والے شہروں میں انڈور کھانے پر مکمل پابندی ہوگی۔

صوبہ بھر میں ٹرین سروس 70فیصد مسافروں کے ساتھ جاری رہے گی۔ تمام کاروباری مراکز شام 6 بجے بند ہو جائيں گے جبکہ ہفتہ اور اتوار کو تمام کاروباری مراکز مکمل طور پر بند رہیں گے۔

صوبہ بھر میں تمام تفریحی مقامات اور مزار بھی زائرین کے لیے مکمل طور پر بند رہیں گے۔ سرکاری ونجی دفاتر کا 50 فیصد عملہ گھر سے کام کرنے کا پابند ہوگا۔

پنجاب بھر میں تمام سینما ہالز اور تھیٹر مکمل طور پر بند رہیں گے۔ ہر قسم کے اسپورٹس، ثقافتی تہوار اور اجتماعات پر مکمل پابندی عائد ہوگی۔

پابندی والے علاقوں میں لاہور، راولپنڈی، ملتان، فیصل آباد، سرگودھا، گجرانوالہ، رحیم یار خان، بہاولپور، بہاولنگر، چنیوٹ، حافظہ آباد، قصور، ننکانہ صاحب، پاکپتن، ٹوبہ ٹیک سنگ اور شیخوپورہ شامل ہیں۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More