سابق خاصہ دار، لیویز اہلکاروں کی پولیس میں شمولیت کی تربیت کا دوسرا مرحلہ مکمل

بول نیوز  |  Apr 13, 2021

پاک فوج اور ایف سی خیبر پختونخوا کے اشتراک سے سابق خاصہ دار اور لیویز اہلکاروں کی پولیس میں شمولیت کی تربیت کا دوسرا مرحلہ مکمل ہوگیا۔

پاک فوج کے شعبہ تعلقات عامہ(آئی ایس پی آر) کے مطابق  تربیت کے عمل کا دوسرا فیز 18 جنوری سے 12 اپریل تک مختلف قبائلی اضلاع میں مکمل کیا گیا۔

پاک فوج اور ایف سی کے ماہر ٹرینرز کی نگرانی میں مجموعی طور پر 3300 اہلکاروں کی تربیت کی گئی۔ اہلکاروں کو انسداد دہشت گردی، کوئیک ری ایکشن فورس، پولیسنگ اور آئی ای ڈیز سے نمٹنے کی تربیت فراہم کی گئی۔

تربیت کے دوران جسمانی فٹنس اور فائرنگ پریکٹس بھی کرائی گئی۔

پاک فوج، ایف سی اور پولیس کے سینئر آفیشلز نے مختلف اوقات میں تربیتی مراحل دیکھے اور تربیتی معیار پراطمینان کا اظہار کیا۔

نئے ضم ہونے والے قبائلی اضلاع میں پولیس پاسنگ آؤٹ تقریبات کا کورونا ایس او پیز کے تحت انعقاد کیا گیا۔

ان تقریبات میں سول ملٹری افسران اور دیگر مہمانان  گرامی نے شرکت کی۔

-->
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More