عمراکمل کی جرمانہ قسطوں میں ادا کرنے کی درخواست مسترد

سماء نیوز  |  Apr 14, 2021

پاکستان کرکٹ بورڈ نے قومی ٹیم کے مڈل آرڈر بیٹسمین عمر اکمل کی جرمانہ قسطوں میں ادا کرنے کی درخواست مسترد کردی۔

پاکستانی کرکٹر عمر اکمل پر فکسنگ کیس میں کھیلوں کی عالمی ثالثی عدالت نے سزا کے ساتھ 42 لاکھ 50 ہزار روپے جرمانہ عائد کیا تھا، جس پر مڈل آرڈر بیٹسمین نے پاکستان کرکٹ بورڈ سے جرمانہ قسطوں میں ادا کرنے کی اجازت دینے کی درخواست کی تھی۔

عمر اکمل نے اپنی درخواست میں مؤقف اختیار کیا تھا کہ معاشی مسائل کا شکار ہوں یک مشت ادائیگی نہیں کرسکتا، اس لئے جرمانہ قسطوں میں ادا کرنے کی اجازت دی جائے۔

پاکستان کرکٹ بورڈ نے درخواست مسترد کرتے ہوئے کہا ہے کہ عمر اکمل نے ٹیکس ریٹرن، بینک اکاؤنٹس کی تفصیلات جمع کروائیں، جس کی جانچ پڑتال کرنے کے بعد پی سی بی نے اقساط کی درخواست مسترد کی۔

پی سی بی کا عمر اکمل کو جواب دیا ہے کہ آپ کے بینک اکاؤنٹ میں کافی رقم موجود ہے، بآسانی جرمانہ ادا کرسکتے ہیں۔

واضح رہے کہ عمر اکمل کی سزا کا دورانیہ ختم ہوچکا ہے۔

پاکستانی کرکٹر نے 16 ٹیسٹ، 121 ون ڈے انٹرنیشنل اور 84 ٹی 20 انٹرنیشنل میچوں میں قومی ٹیم کی نمائندگی کی ہے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More