سینیئرہدایتکارایس سلیمان انتقال کرگئے

سماء نیوز  |  Apr 14, 2021

پاکستان سینما انڈسٹری میں 60 اور 70 کی دہائی کے معروف ہدایتکار سیدسلیمان المعروف ایس سلیمان 80 سال کی عمر میں لاہورمیں انتقال کرگئے۔

ایس سلیمان کلاسیکل ڈانسر زریں پنا کے شوہرتھے جنہوں نے 1962 سے 1969 تک 42 فلموں میں پرفارم کیا۔ اہلیہ کے مطابق ایس سلیمان طویل عرصے سے گردوں کےعارضے میں مبتلا تھے۔

اپنے دور میں انڈسٹری کے 2 معروف ترین ہیروزسنتوش کمار اور درپن کے چھوٹے بھائی ایس سلیمان علالت کے باعث گزشتہ ایک سال کے دوران مختلف اوقات میں نجی اسپتال میں زیرعلاج رہے۔ مرحوم کے سوگواران میں بیوہ ، ایک بیٹی اوردو بیٹے شامل ہیں۔

زریں پنا کے مطابق ان کا بڑا بیٹا بیرون ملک مقیم ہے، جس کی واپسی پر ایس سلیمان کی نماز جنازہ جمعہ 16 اپریل کو لاہور کی نجی سوسائٹی میں ادا کی جائے گی ۔

ایس سلیمان نے 1961 سے 1998 کے درمیان 48 فلموں کی ہدایتکاری کی اور بعد ازاں نصف درجن کے قریب ٹی وی سیریلزکی ڈائریکشن بھی دی۔

ان کی معروف فلموں میں گلفام، باجی، لوری، آگ، محبت، انتظار، زینت ،تصویر ، اناڑی سمیت دیگرشامل ہیں ۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More