امریکی صدر کا افغانستان سے امریکی افواج کے انحلاء کا اعلان

بول نیوز  |  Apr 15, 2021

امریکی صدر جوبائیڈن نے افغانستان سے امریکی افواج کے مکمل انحلاء کا اعلان کردیا ہے۔

تفصیلات کے مطابق اپنے ایک بیان میں امریکی صدر جوبائیڈن نے افغانستان سے امریکی افواج کے انحلاء کا اعلان کرتے ہوئےکہا کہ وقت آگیا ہے کہ امریکا کی سب سے طویل جنگ کا خاتمہ کیا جائے اورامریکی فوج کو افغانستان سے واپس بلایا جائے۔

جوبائیڈن نے کہا کہ یکم مئی سے امریکی افواج کا انحلاء شروع ہوجائےگا اور انحلاء کا یہ عمل 11 ستمبر کو ورلڈ ٹریڈ سینٹر پر حملےکے 20 سال مکمل ہونے پر پورا ہوجائےگا۔

امریکی صدر کا کہنا تھا کہ میں چوتھا امریکی صدر ہوں جس کے دور میں فوج افغانستان میں ہے، یہ ذمہ داری اپنے پانچویں صدر کو نہیں سونپوں گا۔

جوبائیڈن کا یہ بھی کہنا تھا کہ افغانستان سے فوج نکالنے کے بعد بھی دہشت گردوں پر نظر رکھی جائے گی۔

امریکی صدر جوبائیڈن کا مزید کہنا تھا کہ ہم افغان امن مذاکرات کی حمایت کرتے ہیں،افغان امن عمل میں پاکستان، روس ،چین کاکردار اہم ہے، پاکستان افغانستان کی مدد کے لیے مزید اقدامات کرے۔

-->
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More