کرینہ کپور نے 9 ماہ تک کرن جوہر سے بات کیوں نہیں کی؟

اردو نیوز  |  Apr 16, 2021

فلم سٹار کرینہ کپور اور فلم ساز کرن جوہر نے اکثر بالی وڈ میں ساتھ کام کیا ہے۔ دونوں کا تعلق فلم انڈسٹری کے نامور خاندانوں سے ہے اور انہیں ایک بار پھر فلم ’تخت‘ میں ساتھ کام کرنا تھا لیکن کورونا وائرس کی وجہ سے اسے غیر معینہ مدت تک کے لیے روک دیا گیا تھا۔

لیکن کیا آپ جانتے ہیں کہ بہت سال پہلے دونوں دوستوں میں لڑائی ہوئی تھی اور انہوں نے نو ماہ تک ایک دوسرے سے بات نہیں کی؟

اپنی سوانح حیات ’دا انسوٹیبل بوائے‘ میں اس واقعے کا ذکر کرتے ہوئے کرن جوہر نے لکھا کہ ’انہیں کرینہ سے مسئلہ تھا کیونکہ انہوں نے بہت بڑی رقم کا مطالبہ کر لیا تھا اور اس پر دونوں کا جھگڑا ہو گیا تھا۔‘

’فلم مجھ سے دوستی کروگی اسی وقت ریلیز ہوئی تھے، جسے کنال کوہلی نے ڈائریکٹ کیا تھا۔ کرینہ نے کہا تھا کہ ’آدیتیہ چوپڑا کے اسسٹنٹ کنال کوہلی نے یہ فلاپ فلم بنائی ہے، اسی لیے کرن جوہر کے اسسٹنٹ نکھل ایڈوانی پر بھی بھروسہ نہیں کیا جا سکتا۔‘

کرن جوہر نے یہ بھی کہا کہ ’کرینہ نے اتنی رقم کا مطالبہ کیا جتنی شاہ رُخ خان لیتے ہیں۔ 'مجھ سے شادی کروگی کی ریلیز والے ویک اینڈ پر میں نے انہیں کل ہو نہ ہو کی پیش کش کی، اور انہوں نے اتنے پیسوں کا مطالبہ کیا جتنے شاہ رُخ خان لیتے ہیں تو میں نے معذرت کرلی۔‘

کرن جوہر نے لکھا کہ ’انہوں نے کرینہ کو فون کیا تھا لیکن انہوں نے ان کا فون نہیں اٹھایا۔‘

'میں نے کہا کہ ہم انہیں نہیں لیں گے اور ان کی جگہ پریتی زنٹا کو سائن کرلیا۔‘

ان کا مزید کہنا تھا کہ ’کرینہ اور میں نے تقریباً ایک سال تک ایک دوسرے سے بات نہیں کی تھی۔ ایک سال تک ہم ایک پارٹیوں میں ایک دوسرے کو نظر انداز کرتے تھے۔ وہ بہت بے وقوف تھی۔ وہ بچی ہے۔ مجھ سے 10 سال چھوٹی ہے۔‘

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More