اقتدار کے ایوانوں میں موجود لوگ ہی مسائل کی اصل وجہ ہیں، سراج الحق

بول نیوز  |  Apr 16, 2021

امیر جماعت اسلامی سراج الحق نے کہا ہے کہ اقتدار کے ایوانوں میں موجود لوگ ہی مسائل کی اصل وجہ ہیں۔

تفصیلات کے مطابق امیر جماعت اسلامی سراج الحق نے اپنے ایک بیان میں کہا کہ وزیراعظم عمران خان نے کابینہ میں تبدیلیوں کی انوکھی گورننس متعارف کرائی ہے۔

سراج الحق کا کہنا تھا کہ ملک کو کرکٹ فیلڈنگ گراؤنڈ کی طرز پر چلانے کی کوششیں ہو رہی ہیں جبکہ عوام سارے آزمودہ کھلاڑیوں کو لمبے ریسٹ پر بھیجنے کے لیے تیار ہے۔

سراج الحق نے کہا کہ ٹیم ناقص، کیپٹن کو سمجھ نہ لگے تو پلیسمنٹ بدلنے سے کوئی فائدہ نہیں ہو گا۔

انہوں نے یہ بھی کہا کہ پرانے چہروں سے نظام میں تبدیلی نہیں آ سکتی، ثابت ہو گیا ہے پی ٹی آئی حکومت مکمل نا کام ہو گئی ہے۔

سراج الحق نے کہا کہ عوام کے مسائل موجودہ گھسے پٹے نظام میں موجود نہیں ہیں۔

امیر جماعت اسلامی سراج الحق نے مزید کہا کہ عدالتوں میں قرآن کا  نظام لانا ہوگا، اسلامی نظام میں تمام جدید چیلنجز سے نمٹنے کی مکمل صلاحیت ہے۔

-->
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More