بھارت: ٹی 20 ورلڈکپ کیلئے پاکستانی ٹیم کو ویزہ دینے کی منظوری

ہم نیوز  |  Apr 16, 2021

بھارت نے ٹی 20 ورلڈکپ کیلئے پاکستانی ٹیم کو ویزہ دینے کی منظوری دے دی۔

بھارتی میڈیا نے دعویٰ کیا ہے کہ بی سی سی آئی کی کونسل میٹنگ میں منظوری کی باضابطہ اطلاع دے دی گئی ہے۔

اس کے علاوہ بھارت میں ٹی 20 ورلڈ کپ کے لیے پاکستانی صحافیوں کو بھی ویزے دیئے جائیں گے۔

بھارت نے پاکستانی شائقین کے لیے ویزے سے متعلق تاحال کوئی فیصلہ نہیں کیا ہے۔

خیال رہے کہ رواں سال اکتوبر اور نومبر یں ورلڈ ٹی ٹوئنٹی کا انعقاد بھارت میں ہوگا جو پہلے 2020 میں آسٹریلیا میں کورونا وائرس کے باعث التوا کا شکار ہوا تھا، تاہم بعد ازاں اسے بھارت منتقل کیا گیا تھا۔

یاد رہے کہ گزشتہ ماہ اپنے ایک بیان میں آئی سی سی کے سی ای او کا کہنا تھا کہ ورلڈ کپ کے لئے بھارت کے وینیوز کا جائزہ جاری ہے، اگر بھارت میں ورلڈکپ ٹی ٹوئنٹی کا انعقاد ممکن نہیں ہوتا تو اس کے متبادل پر متحدہ عرب امارات کو رکھا گیا ہے، جہاں یہ ٹورنامنٹ کرانے کی تجویز ہے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More