سرکاری افسروں کو دھمکیاں برداشت نہیں کریں گے، عثمان بزدار

ہم نیوز  |  Apr 17, 2021

وزیراعلیٰ پنجاب عثمان بزدار نے کہا ہے کہ سرکاری افسروں کو دھمکیاں دینا غیرقانونی امر ہے، برداشت نہیں کریں گے۔

ایک بیان میں وزیراعلیٰ پنجاب نے کہا کہ کوئی افسران کودھمکی دے گا تو خاموش نہیں بیٹھے رہیں گے، دھمکیاں دینے والوں سےسختی سے نمٹاجائے گا اور قانونی کارروائی ہوگی۔

عثمان بزدار نے کہا کہ اپوزیشن رہنما کرپشن بے نقاب ہونے پر بوکھلاہٹ میں سرکاری افسروں پر برس پڑے۔ سرکاری افسران کے بارے میں اپوزیشن کی بیان بازی افسوسناک اور غیراخلاقی ہے۔

مزید پڑھیں: 

انہوں نے کہا کہ کرپشن چھپانے کیلئے سرکاری افسران پر الزام تراشی قابل مذمت ہے۔ کوئی سرکاری افسر کرپٹ ٹولے کے دباوَمیں نہیں آئے گا۔ دیانتدار اور محنتی سرکاری افسروں کے ساتھ ہیں۔

عثمان بزدار نے کہا کہ قواعدوضوابط کے بارے میں شکایت ہے تو قانونی راستہ اختیار کریں۔ بیوروکریسی کو ہراساں کر کے کام نکلوانے کا وقت گزر گیا۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More