پاکستان اور بھارت کے تعلقات میں بڑی پیش رفت

بول نیوز  |  Apr 17, 2021

پاکستان  اور بھارت کے تعلقات میں بڑی پیش رفت، پاک بھارت بیک ڈور رابطے، وزرائے خارجہ کی امارات میں ملاقات کا قوی امکان ہے۔

سفارتی ذرائع کا کہنا ہے کہ دونوں ممالک کے وزرائے خارجہ کی ابو ظہبی میں کل ملاقات متوقع ہے۔

ملاقات اور مذاکرات کے مقام اور اوقات کو حتی الاامکان خفیہ رکھنے کی کوشیشں جاری ہیں جبکہ متوقع ملاقات ہونے کی صورت میں پاک بھارت وزرائے خارجہ کے درمیان رواں برس پہلا وزرائے خارجہ سطح پر براہ راست رابطہ ہوگا۔

سفارتی ذرائع کے مطابق وزیر خارجہ شاہ محمود قریشی 3 روزہ دورے پر متحدہ عرب امارات میں موجود ہیں جبکہ بھارتی وزیر خارجہ امور ڈاکٹر جے شنکر کل ابو ظہبی پہنچیں گے۔

متوقع ملاقات کے حوالے سے کوئی باضابطہ طے شدہ ایجنڈا نہیں ہے جبکہ ملاقات کے حوالے سے ثالثی متحدہ عرب امارات کی حکومت کر رہی ہے۔

سفارتی ذرائع کا کہنا ہے کہ پاک بھارت وزرائے خارجہ کی ملاقات کو میڈیا سے دور رکھنے کی کوشیش کی جا رہی ہے تاکہ نتائج متاثر نہ ہوں جبکہ رواں برس جنوری میں پاک بھارت انٹلیجنس حکام کے درمیان براہ راست مذاکرات ہو چکے ہیں، جس کی تصدیق امریکہ میں اماراتی سفیر یوسف العتیبہ نے کی تھی۔

دونوں ممالک کے وزرائے خارجہ متحدہ عرب امارات کی پاک بھارت کشیدگی میں کمی کے لیے ٹالثی کے تحت امارات پہنچ رہے ہیں جبکہ اماراتی حکومت پاک بھارت براہ راست تعلقات کو جلد فعال اور آپریشنل بنانے کا دعوی کر چکی ہے۔

-->
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More