وقار یونس کا آسٹریلیا روانگی کا فیصلہ

ہم نیوز  |  Apr 19, 2021

قومی کرکٹ ٹیم کے باؤلنگ کوچ وقار یونس نے آسٹریلیا روانگی کا فیصلہ کر لیا۔

ذرائع کے مطابق وقار یونس کو اہلیہ کی سرجری کے باعث فوری طور پر آسٹریلیا روانہ ہونا پڑ رہا ہے۔

قومی کرکٹ ٹیم کے باؤلنگ کوچ آج زمبابوے سے آسٹریلیا کے لیے روانہ ہوں گے۔ ان کی اہلیہ کی سرجری رمضان کے بعد ہو گی۔

وقار یونس اب دورہ زمبابوے کے لیے قومی ٹیم کو دستیاب نہیں ہوں گے۔ وہ آسٹریلیا سے پاکستان واپسی پر دوبارہ قومی ٹیم کی ذمہ داریاں سنبھالیں گے۔

واضح رہے کہ پاکستان اور زمبابوے کی ٹیموں کے درمیان ٹی ٹوینٹی میچز 21، 23 اور 25 اپریل کو کھیلے جائیں گے جبکہ دو ٹیسٹ میچز کی سیریز کا آغاز 29 اپریل سے ہوگا۔

یاد رہے کہ قومی ٹیم نے جنوبی افریقہ کو ون ڈے اور ٹی ٹوینٹی سیریز میں شکست دی تھی۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More