جرمنی نے غیر ملکی شہریوں کو بڑی پیشکش کر دی

ہم نیوز  |  Apr 20, 2021

برلن: جرمنی نے فوج کی مدد کرنے کے بدلے جرمنی میں پناہ حاصل کرنے کی پیشکش کر دی۔

غیر ملکی خبر رساں ایجنسی کے مطابق جرمن وزیر دفاع نے افغان باشندوں کے لیے اعلان کیا ہے کہ وہ جرمن فوج کی مدد کریں اور جرمنی میں پناہ حاصل کریں۔

انہوں نے کہا کہ یہ جرمن حکومت کی ذمہ داری ہے کہ وہ ایسے افغان باشندوں کی مدد کرے جن کی زندگی کو فوجی انخلا کے بعد سنگین خطرات لاحق ہوں۔

جرمن وزیر دفاع کا کہنا ہے کہ ان کی حکومت ایسے لوگوں کی مدد کرنا چاہتی ہے جو جرمن فوج کی افغانستان میں مدد کرتے ہیں۔ حکومت افغان باشندوں کو جرمنی میں شہریت کی درخواست دینے اور اس کی منظوری کو تیز کرنے پر کام کر رہی ہے۔

انہوں نے کہا کہ جرمن فوج کے شانہ بشانہ کام کرنے والے افغان باشندوں کو وہ کبھی نہیں بھولیں گے کیونکہ ان افراد نے متعدد مواقعوں پر اپنی زندگیوں کو سنگین خطرات سے دوچار کیا اور اپنی جان کی پروا کیے بغیر جنگ میں ہمارا ساتھ دیا۔

یہ بھی پڑھیں: 

وزیر دفاع نے کہا کہ جرمن فوج اب افغانستان سے جا رہی ہے لیکن ان افراد کی زندگیوں کو خطرات لاحق ہیں جنہوں نے جرمن فوج کا ساتھ دیا اس لیے اب جرمن حکومت کی ذمہ داری ہے کہ وہ ان افراد کی جانوں کی حفاظت کرے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More