ٹھنڈی ہوا اسلام آباد سے چلی ہے، بہت جلد وزیراعظم سے ملاقات ہوجائے گی، جہانگیر ترین

ہم نیوز  |  Apr 22, 2021

پاکستان تحریک انصاف کے رہنما جہانگیر ترین ایک دن پہلے اسلام آباد سے کچھ لوگوں نے رابطہ کیا ہے اور یقین دہانی  کرائی گئی کہ جلد ہی ہماری وزیراعظم عمران خان سے ملاقات ہوجائے گی۔

میڈیا سے گفتگو کرتے ہوئے جہانگیر ترین کا کہنا تھا کہ ٹھنڈی ہوا اسلام آباد سے چلی ہے تو مطمئن ہوئے ہیں۔ عمران خان سے دیرینہ تعلق ہے اور ہم نے مشترکہ جدوجہد کی ہے۔

ساتھ ہی جہانگیر ترین نے پی ٹی آئی کے 40 ارکان کی حمایت کا دعوی بھی کیا اور کہا کہ گزشتہ روز میری طرف سے اراکین کے لیے افطار پارٹی تھی۔

دوسری جانب سیشن کورٹ لاہور  نے شوگر ملز کے ذریعے منی لانڈرنگ کے کیس میں جہانگیر ترین اور علی ترین کی عبوری ضمانت میں تین مئی تک توسیع کر دی ہے۔

عدالت میں جہانگیر ترین کے وکیل نے موقف اپنایا کہ جہانگیر اور علی ترین شامل تفتش ہو رہے ہیں، ہم تفتش میں مکمل تعاون کررہے ہیں، امید ہے جو الزامات ہیں اس میں سرخرو ہونگے۔

مزید پڑھیں: 

جہانگیر ترین کے وکیل نے عدالت کو بتایا کہ دونوں مقدمات میں تمام تر الزامات کا ریکارڈ فراہم کر رہے ہیں، امید ہے آنے والے دنوں میں ایف آئی اے اپنے موقف سے پیچھے ہٹ جائے گا۔

ایف آئی اے کے تفتشی افسر نے اپنے بیان میں کہا کہ تمام الزامات پر تفتش کر رہے ہیں، ملزمان کا نامکمل ریکارڈ کمرہ عدالت میں موجود ہے۔

عدالت نے ایف آئی اے کے ریکارڈ کا جائزہ لینے کے بعد دوبارہ فائل تفتشی کے حوالے کر دی۔ فاضل جج نے حکم دیا کہ انکوائری کی مکمل رپورٹ کو بھی پیش کیا جائے۔

ایف آئی اے کے تفتشی نے کہا کہ انکوئری رپورٹ خفیہ ہوتی ہے۔ فاضل جج نے کہا کہ ملزمان کی آئندہ سماعت پر انکوائری رپورٹ عدالت میں پیش کی جائے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More