کورونا: چین سے ویکسین کی مزید 5 لاکھ خوراکیں پاکستان پہنچ گئیں

ہم نیوز  |  Apr 23, 2021

اسلام آباد: عالمی وبا قرار دیے جانے والے کورونا وائرس سے بچاؤ کے لیے تیار کردہ چینی ویکسین کی مزید پانچ لاکھ خوراکیں پاکستان پہنچ گئی ہیں۔

نیشنل کمانڈ اینڈ آپریشن سینٹر (این سی او سی) کی جانب سے جاری بیان میں بتایا گیا ہے کہ چین سے خصوصی طیارہ کورونا ویکسین لے کر نور خان ایئر بیس پہنچ گیا ہے۔ پاکستان نے چین سے 5 لاکھ ویکسین کی خوراکیں خریدی ہیں۔

ملک میں کورونا کی صورتحال سے نمٹنے کے لیے وفاق نے پابندیاں سخت کرنے کی تجاویز صوبوں کو بھجوا دی ہیں۔ وفاق نے اس ضمن میں صوبوں سے ان کی آرا بھی طلب کی ہیں۔

ذرائع کا کہنا ہے کہ وفاقی حکومت نے کورونا پابندیاں دو مراحل میں سخت کرنے کی تجویز دی ہے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More