ریپ مقدمات4ماہ میں نمٹانے کیلئے خصوصی عدالتوں کے قیام کافیصلہ

سماء نیوز  |  May 04, 2021

وفاقی حکومت نے ریپ کے واقعات کے سدباب کیلئے اہم قدم اٹھاتے ہوئے مقدمات 4 ماہ میں نمٹانے کیلئے خصوصی عدالتوں کے قیام کا فیصلہ کرلیا۔

وزارت قانون نے ریپ کے مقدمات 4 ماہ میں نمٹانے کیلئے خصوصی عدالتوں کے قیام کی سمری وزیراعظم عمران خان کو بھجوادی۔

وزارت قانون کے مطابق سیشن اور ایڈیشنل سیشن ججز کو ریپ کے مقدمات کیلئے خصوصی اختیارات دیئے جائیں گے۔

وزارت قانون کا کہنا ہے کہ کابینہ کی منظوری کے بعد سمری صدر کو ارسال کی جائے گی، صدر مملکت کی منظوری کے بعد خصوصی عدالتوں کے قیام کا نوٹیفکیشن جاری ہوگا۔

واضح رہے کہ چند سالوں میں جنسی ریپ کے واقعات تیزی سے رپورٹ ہورہے ہیں، جس میں خواتین سمیت، بچوں اور بچیوں کو بھی نشانہ بنایا جارہا ہے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More