اسٹرابیری کے حیرت انگیز فوائد

بول نیوز  |  May 04, 2021

اسٹرابیری کے سب ہی شوقین ہوتے ہیں ، لیکن انسانی جسم اور صحت پر اس کے اثرات سے بہت سے لوگ نا واقف ہیں۔

دنیا بھر میں اسٹرابیری کی کئی اقسام پائی جاتی ہیں جبکہ اس پھل کی بڑی تعداد  پاکستان میں بھی افزائش ہوتی ہے۔

ماہرین کی جانب سے اسٹرابیری کو صحت کی ضمانت قرار دیا جاتا ہے، اس کا استعمال غذاؤں میں ذائقہ بڑھانے کے لئے کیا جاتا ہے اور اسٹرابیری کا روزانہ استعمال نہ صرف انسانی قوت مدافعت کو بڑھانے میں مدد فراہم کرتا ہے بلکہ انسانی جسم کو مضر صحت مادوں سے پاک کر کے صحت پر اچھا اثر ڈالتا ہے۔

ماہرین کے مطابق اسٹرابیری کا استعمال ایسے خراب کولیسٹرول کے اثرات کو کم کرتا ہے جو شریانوں میں خون کو گاڑھا کرنے میں مدد فراہم کرتے ہیں اور دل کی بیماریوں سے بچنے کے لئے بھی  زیادہ سے زیادہ اسٹرابیری کا استعمال تجویز کیا جاتا ہے۔

اسٹرابیری کے روزانہ کا استعمال انسان کو صحت مند بناتا ہے جبکہ  ہارٹ اٹیک کے خدشات کو بھی دور کرتا ہے۔

اسٹرابیری کا استعمال خواتین کے جسم میں نسوانی ہارمون کی سطح بڑھاتی ہے جس کے نتیجے میں خواتین کے چہرے پر اضافی بالوں جیسی شکایت کا خاتمہ ہوتا ہے۔

اسٹرابیری جوڑوں کے درد کے مریضوں کے لئے بہت مفید ہے اور کینسر جیسی مہلک بیماریوں سے بچاؤ کو بھی ممکن بناتا ہے۔

اسٹرابیری جگر کے لئے بھی بہت مفید ہےاور  جگر کی کارکردگی سے متعلق شکایت جیسے کہ ہیپاٹائٹس میں خالی پیٹ 2 سے 3 کپ روزانہ اسٹرابیری کا جوس پینا جگر کو قوت دیتا ہے۔

اسٹرابیری کھانے سے نظر بھی واضح اور صاف ہوتی ہے یہ تھکن کو دور کرتی ہے اور فرحت بخش احساس جگاتی ہے جبکہ  ہڈیوں کو مضبوط بھی کرتی ہے۔

--> Double Click 970 x 90
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More