سینئر اداکارہ طلعت صدیقی انتقال کر گئیں

بول نیوز  |  May 10, 2021

پاکستان شوبز انڈسٹری کی مقبول ترین سینئر اداکارہ طلعت صدیقی انتقال کر گئیں۔

تفصیلات کے مطابق پاکستان فلم انڈسٹری کو سُپر ہٹ فلمیں دینے والی سینئر اداکارہ طلعت صدیقی کے انتقال کی خبر اُن کی بھانجی گلوکارہ فریحہ پرویز نے دی ہے۔

گلوکارہ فریحہ پرویز نے سماجی رابطے کی ویب سائٹ فیس بُک پر سینئر اداکارہ طلعت صدیقی کی کچھ تصاویر پوسٹ کی ہیں۔

فریحہ پرویز کی جانب سے پوسٹ کی جانے والی تصاویر کی کیپشن میں گلوکارہ نے لکھا کہ میری خالہ اور اداکارہ طلعت صِدیقی صاحبہ آج اپنے خالقِ حقیقی سے جا ملیں۔

گلوکارہ نے کہا کہ اللّٰہ تعالیٰ طلعت صدیقی صاحبہ کی مغفرت فرمائے۔

واضح رہے کہ طلعت صدیقی نے ناصرف لالی ووڈ میں کام کیا بلکہ وہ ریڈیو پاکستان میں بھی کام کرچکی ہیں ، اداکارہ طلعت صدیقی کی مشہور فلموں میں ’دل نشین‘، ’حیدر سلطان‘ اور ’کالیا‘ شامل ہیں۔

--> Double Click 970 x 90
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More