قوم کی حمایت سے دشمن کے عزائم نا کام بنائیں گے ، میر ضیاء لانگو

بول نیوز  |  May 10, 2021

صوبائی وزیر داخلہ میر ضیاء لانگو نے کہا ہے کہ قوم کی تائید وحمایت سے دشمن کے مذموم عزائم پہلےبھی نا کام بنائے ہیں اور آئندہ بھی بنائیں گے۔

تفصیلات کے مطابق صوبائی وزیر داخلہ میر ضیاء لانگو نے کوئٹہ سریاب روڈ دھماکے کی شدید الفاظ میں مذمت کرتے ہوئے کہا کہ دشمن ملک میں عدم استحکام پیدا کرنا چاہتا ہے۔

صوبائی وزیر داخلہ کا کہنا تھا کہ متعلقہ حکام سے واقعے کی رپورٹ طلب کر لی گئی ہے۔

انہوں نے ہدایت کی کہ زخمی اہلکاروں کو بہترین طبی سہولیات فراہم کی جائیں۔

میر ضیاء لانگو نے شہر کے داخلی و خارجی راستوں کی چیکنگ بھی مزید سخت کرنے کی ہدایت کر دی ہے۔

صوبائی وزیر داخلہ میر ضیاء لانگو نے مزید کہا کہ زخمی اہلکاروں کی جلد صحت یابی کے لئے دعا گو ہوں۔

دوسری جانب سینئر وزیر پنجاب خوراک عبد العلیم خان نے کوئٹہ اور تربت میں دہشتگردوں کے ایف سی اہلکاروں پر حملے کی مذمت کرتے ہوئے کہا کہ دشمن بلوچستان کا امن خراب کرنے کی گھناؤنی سازش کر رہا ہے۔

انہوں نے کہا کہ شہید ہونے والے اہلکاروں کو قوم کا سلام ہے، وطن کی خاطر جان کا نذرانہ پیش کرنے والے شہداء ہمارے اصل ہیرو ہیں۔

سینئر وزیر پنجاب خوراک عبد العلیم خان نے مزید کہا کہ میری تمام ہمدردیاں متاثرہ خاندانوں کے ساتھ ہیں۔

--> Double Click 970 x 90
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More