حدیبیہ پیپر ملز کیس میں حکومت کے پاس کوئی نیاثبوت نہیں ہے،احسن اقبال

بول نیوز  |  May 11, 2021

پاکستان مسلم لیگ ن کے رہنما احسن اقبال نے کہا ہے کہ حدیبیہ پیپر ملز کیس میں حکومت کے پاس کوئی نیاثبوت نہیں ہے۔

تفصیلات کے مطابق پاکستان مسلم لیگ ن کے رہنما احسن اقبال نے اپنے ایک بیان میں کہا کہ حدیبیہ پیپر ملز کیس میں حکومت کے پاس کوئی نیاثبوت نہیں ہے، حکومت اصل مسائل سے توجہ ہٹانے کیلئے ایسےکیسز لاتی ہے۔

احسن اقبال نے کہا کہ حکومت انتقام کے بجائےعوامی مسائل پرتوجہ دیتی تو بہتر تھا، حکومت انتقام کی آگ میں جل رہی ہے انھیں اور کوئی کام نہیں۔

پاکستان مسلم لیگ ن کے رہنما کا کہنا تھا کہ عدالتی فیصلے پرعمل کرانا ایف آئی اے کی ذمہ داری تھی، عدالتی فیصلے پرعمل نہ کرنا توہین عدالت ہے۔

احسن اقبال کا یہ بھی کہنا تھا کہ حکومت کرپشن پر کہانیاں سناتی ہے، جھوٹے مقدمات عدالتوں میں جاکر ختم ہوجاتے ہیں۔

پاکستان مسلم لیگ ن کے رہنما احسن اقبال کا مزید کہنا تھا کہ شہبازشریف کا باہر علاج کرانا ان کا بنیاد حق ہے جبکہ نوازشریف بھی علاج مکمل کرانے کے بعد ہی وطن واپس آئیں گے۔

--> Double Click 970 x 90
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More