اسرائیلی جارحیت کے خلاف ترکی کا عملی قدم

ہم نیوز  |  May 12, 2021

انقرہ: ترکی نے فلسطینیوں کے خلاف کی جانے والی سرائیلی جارحیت پر شدید ردعمل ظاہر کرتے ہوئے اسرائیلی وزیر کے دعوت نامے کو منسوخ کردیا ہے۔

ترک ذرائع ابلاغ کے مطابق اسرائیل کی جانب سے کی جانے والی وحشیانہ بمباری اور جارحیت کے خلاف عملی قدم کے طور پر ترکی نے جون میں منعقد ہونے والی توانائی کانفرنس میں اسرائیلی وزیر برائے توانائی یووال ستینتز کا دعوت نامہ منسوخ کر دیا ہے۔

ذرائع ابلاغ کے مطابق ترکی نے اپنے فیصلے سے اسرائیلی حکام کو آگاہ بھی کردیا ہے۔ ترکی نے اس ضمن میں اسرائیلی حکام سے کہا ہے کہ مسجدِ اقصیٰ اور اسرائیلی فوج کی جانب سے فلسطینی شہری آبادی پرکی جانے والی بمباری کے خلاف احتجاجاً یہ کیا گیا ہے۔

مسلمانوں کے قبلۂ اول پر اسرائیلی جارحیت کے خلاف اور فلسطینوں کے حق میں دارالحکومت انقرہ اور استنبول میں ہزاروں افراد نے اسرائیلی سفارت خانے و قونصل خانے کے باہر احتجاج کیا۔

ذرائع ابلاغ کے مطابق ترک مظاہرین ریلی کی شکل میں اسرائیلی سفارتخانے پہنچے اور موبائل کی ٹارچ جلا کر فلسطینیوں کے ساتھ اظہار یکجہتی کیا۔

اسرائیل: امن کی اپیلیں مسترد، حملوں میں تیزی کیلیے 5 ہزار ریزرو فوجی طلب

ترک صدر رجب طیب ایردوان نے مسلم ممالک کے سربراہان کے نام جاری کردہ پیغام میں کہا ہے کہ اب مظلوم فلسطینیوں کا عملی طور پر ساتھ دیا جائے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More