وزیر خزانہ شوکت ترین کی جمشید اقبال چیمہ سے ملاقات

بول نیوز  |  May 18, 2021

وزیر خزانہ شوکت ترین نے  معاون خصوصی فوڈ سکیورٹی جمشید اقبال چیمہ سے ملاقات کی ہے۔

ملاقات میں فارم گیٹ پرائسنگ کے امور اور درپیش مسائل پر تبادلہ خیال ہوا ہے جبکہ پھل اور سبزیوں سمیت جلد خراب ہونے والی اشیاء اور مڈل مین کے کردار پر بھی بات چیت کی گئی ہے۔

وزیر خزانہ نے کہا کہ معیشت میں استحکام کے لئے زراعت کے شعبے میں بڑے چیلنجز درپیش ہیں جبکہ کسانوں کو سود سے پاک قرضے دے کر زرعی پیداوار کو بڑھایا جاسکتا ہے۔

انہوں نے یہ بھی کہا کہ مڈل مین کا کردار ختم ہونے سے کاشتکار کو اپنی پیداوار کا 35 سے 40 فیصد سے زائد حصہ مل سکتا ہے۔

وزیر خزانہ شوکت ترین نے  کاشتکاروں کو ویئر ہاؤسز اور کولڈ اسٹوریج کی سہولیات فراہم کرنے کی ضرورت پر زور دیا ہے۔

ملاقات میں معاون خصوصی ریونیو ڈاکٹر وقار مسعود، سیکرٹری خزانہ اور سیکرٹری فوڈ سکیورٹی بھی موجود تھے۔

--> Double Click 970 x 90
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More