10 بچوں کو جنم دینے والی خاتون کا نام عالمی ریکارڈ میں شامل

بول نیوز  |  Jun 10, 2021

جنوبی افریقی خاتون کا نام عالمی ریکارڈ میں شامل کر لیا گیا ہے۔

غیر ملکی خبر رساں ادارے کے مطابق جنوبی افریقی خاتون نے بیک وقت 10 بچوں کو جنم دے کر نیا عالمی ریکارڈ قائم کر دیا۔

اس حوالے سے بچوں کے والد کا کہنا ہے بیک وقت دس بچوں کی پیدائش سے وہ حیران رہ گئے ہیں۔

والد نے بتایا کہ اسکین میں 8 بچے دکھائی دیےتھے۔

انہوں نے بتایا کہ پیدا ہونے والے بچوں میں سات لڑکے اور تین لڑکیاں ہیں۔

بچوں کے والد گوسیمے تھامارا سیتھول کے پہلے سے بھی دو بچے ہیں جو چھ برس قبل جڑواں پیدا ہوئے تھے۔

تاہم اب اس جوڑے کے کُل بچے 12 ہوگئے ہیں۔

اس خوشی کے موقع پر انہوں نے کہا کہ میں خوش اور جذباتی ہوں، زیادہ بات نہیں کرسکتا۔

واضح رہے کہ گزشتہ ماہ مالی میں خاتون کے ہاں بیک وقت 9 بچوں کی پیدائش ہوئی تھی جس میں چار لڑکے اور پانچ لڑکیاں شامل ہیں۔

--> Double Click 300 x 250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More