’آپ کی دعاؤں سے دلیپ کمار ہسپتال سے گھر جا رہے ہیں‘

اردو نیوز  |  Jun 11, 2021

لیجنڈری انڈین اداکار دلیپ کمار سرجری کے بعد ہسپتال سے گھر منتقل ہوگئے ہیں۔

اداکار دلیپ کمار کو سانس میں تکلیف کے باعث اتوار کو ممبئی کے ہندوجا ہسپتال میں داخل کیا گیا تھا۔

جمعے کو اداکار دلیپ کمار کے آفیشل ٹوئٹر اکاؤنٹ پر ان کے مینجر نے لکھا کہ ’آپ لوگوں کی محبت اور دعاؤں سے دلیپ صاحب ہسپتال سے گھر جا رہے ہیں۔‘

انڈین ایکسپریس کے مطابق دلیپ کمار کے معالج ڈاکٹر جلیل پارکر نے بتایا تھا کہ ’ان کی صحت اب بہتر ہے۔ ان کی صحت دو دن سے مستحکم ہے۔ ان کا آکسیجن سیچوریشن بھی بہتر ہوا اور سانس لینے میں دشواری بھی کم ہوئی ہے۔‘

98 برس کے اداکار کے خاندان نے بھی ان کی صحت کے حوالے سے بدھ کو کہا تھا کہ ’دلیپ کمار کا علاج کامیابی سے ہو گیا ہے۔‘

اداکار دلیپ کمار کو گذشتہ ماہ بھی طبیعت خراب ہونے پر اسی ہسپتال میں داخل کیا گیا تھا۔

دلیپ صاحب پر الله کی رحمت اور شفقت ہے...وہ ہسپتال سے گھر جا رہے ہیںآپ لوگوں کیدواؤں سےفیصل فاروقی #DilipKumar #healthupdate

— Dilip Kumar (@TheDilipKumar) June 11, 2021

دلیپ کمار جن کا اصل نام محمد یوسف خان ہے، ان کا شمار انڈین فلم انڈسٹری کے صف اول کے اداکاروں میں ہوتا ہے۔

پانچ دہائیوں سے زیادہ عرصے پر مشتمل کیریئر میں اداکار دلیپ کمار نے انڈین سنیما کو متعدد ہٹ فلمیں دیں۔

ان کی کامیاب فلموں میں مغل اعظم، دیوداس، نیا دور اور رام اور شیام وغیرہ شامل ہیں۔ ان کو آخری مرتبہ 1998 میں فلم قلعہ میں دیکھا گیا۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More