روس کی ایران کو جدید سیٹیلائٹ سسٹم دینے کی تیاری، امریکی اخبار کا دعویٰ

ہم نیوز  |  Jun 11, 2021

امریکی اخبار واشنگٹن پوسٹ نے دعویٰ کیا ہے کہ روس ایران کو جدید سیٹیلائٹ سسٹم دینے کی تیاری کر رہا ہے۔

امریکی اخبار کے مطابق سیٹیلائٹ سسٹم کی مدد سے ایران اپنے پڑوسی ممالک بالخصوص عراق میں قائم امریکی ملٹری بیس، سعودی آئل فیلڈز اور اسرائیلی ملٹری بیس پر گہری نظر رکھ سکے گا۔

امریکی حکام کے مطابق روسی ساختہ سیٹیلائٹ میں انتہائی جدید ہائی ریزولوشن کیمرے لگے ہیں جس کے استعمال سے ایران کی جاسوسی کی صلاحیتوں میں بے پناہ اضافہ ہوگا جبکہ اس کی منتقلی ایک مہینے کے اندر ممکن ہے۔

رپورٹ کے مطابق حال ہی روس کا ایک وفد ایران گیا تھا جس کا مقصد وہاں کے فوجی اہلکاروں کو سیٹلائٹ سسٹم کے استعمال کی ٹریننگ دینا تھا۔

کونپوس 5 نامی سیٹلائٹ میں جدید ترین کیمرہ نصب کیا گیا ہے جو ایران کی دفاعی صلاحیت میں بے پناہ اضافہ کر دے گا۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More