کراچی سمیت پورے سندھ کی عوام پیپلزپارٹی کی کرپشن سے عاجز آچکی ہے، فرخ حبیب

بول نیوز  |  Jun 14, 2021

فرخ حبیب نے کہا ہے کہ کراچی سمیت پورے سندھ کی عوام پیپلزپارٹی کی کرپشن سے عاجز آچکی ہے۔

تفصیلات کے مطابق وزیر مملکت اطلاعات و نشریات فرخ حبیب نے اپنے جاری کردہ بیان میں کہا کہ اندرون سندھ میں غربت ، مہلک بیماریوں کے تمام تر ریکارڈ ٹوٹ چکے ہیں، بے حس سندھ حکومت ٹھس سے مس نہیں ہوئی، اب عوام انکے خلاف کھڑے ہوچکے ہیں۔

انھوں نے کہا ہے کہ عمران خان سندھ سمیت پورے ملک کے وزیراعظم ہیں اور وہ یکساں ترقی کے خواہاں ہیں، وزیراعظم ملک کی تمام اکائیوں کو یکساں مواقعے فراہم کرنے کے لئے حکومت کا عملی اقدامات اٹھا رہے ہیں۔

وزیر مملکت نے کہا کہ وفاقی حکومت نے عام عوام پر اضافی بوجھ ڈالے بغیر محصولات کا ہدف بڑھایا ہے، صوبائی شیئر 2704ارب سے بڑھ کر 3412 ارب ہوجائے گا،یہ اضافہ25 فیصد ہے، مختلف علاقوں میں فرق کو دور کرنے کے لئےجنوبی بلوچستان کے لئے  20 ارب ،کراچی ٹرانسمیشن پلان کے لئے98 ارب مختص کیے گئے ہیں۔

  ان کا کہنا ہے کہ گلگت بلتستان ڈویلپمنٹ کے لئے40 ارب،سندھ کے 14 اضلاع کے لئے 19.5ارب مختص کیے گئے ہیں، وزیراعظم عمران خان کا سندھ کے 14پسماندہ ترین اضلاع کی سماجی و معاشی ترقی کے لئے446ارب لاگت کا پیکیج ایک تحفہ ہے۔

فرخ حبیب نے مزید کہا کہ سندھ کے ان ترجیحی اضلاع میں بدین ،حیدرآباد ،لاڑکانہ ،ٹنڈویار، دادو،جیکب آباد،میرپور خاص،ٹنڈو محمد خان، گھوٹکی شامل ہیں جبکہ خیر پور،نوشہرو فیروز، سانگھڑ،شکار پوراور سکھر میں یہ منصوبے مکمل ہونے سے عوامی خوشحالی کے نئے دور کا آغاز ہوگا ہے۔

--> Double Click 300 x 250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More