انگلینڈ کو 7 برس بعد ہوم ٹیسٹ سیریز میں شکست

بول نیوز  |  Jun 14, 2021

انگلینڈ کرکٹ ٹیم کو 7 برس بعد ہوم ٹیسٹ سیریز میں شکست کا سامنا کرنا پڑا ہے۔

تفصیلات کے مطابق نیوزی لینڈ نے دوسرے ٹیسٹ میچ میں انگلینڈ کو 8 وکٹوں سے شکست دے کر دو ٹیسٹ میچز کی سیریز ایک صفر سے اپنے نام کی۔

انگلینڈ کی ٹیم اپنی دوسری اننگز میں محض 122 رنز بناکر آؤٹ ہوگئی تھی اور نیوزی لینڈ کو جیت کے لیے  38 رنز کا آسان ہدف ملا تھا جو اس نے باآسانی 2 وکٹوں کے نقصان پر حاصل کرلیا۔

اس سے قبل انگلینڈ نے ٹاس جیت کر پہلے بیٹنگ کرتے ہوئے 303 رنز بنائے تھے۔ جواب میں نیوزی لینڈ نے پہلی اننگز میں 388 رنز بنائے تھے۔

نیوزی لینڈ کے میٹ ہینری کو میچ کا جبکہ نیوزی لینڈ کے ہی ڈیوون کونوے کو سیریز کا بہترین کھلاڑی قرار دیا گیا۔

اس فتح کے ساتھ ہی نیوزی لینڈ نے آئی سی سی ٹیسٹ رینکنگ میں بھارت سے پہلی پوزیشن چھین لی ہے۔

🇳🇿 The @BLACKCAPS are the new No.1 in the @MRFWorldwide ICC Test Team Rankings, displacing India from the top spot 👏

Full rankings: https://t.co/79zdXNr0Dv pic.twitter.com/iZuC2gJRrs

— ICC (@ICC) June 13, 2021

واضح رہے کہ 7 برس قبل انگلینڈ کو ہوم ٹیسٹ سیریز میں سری لنکا کے ہاتھوں شکست کا سامنا کرنا پڑا تھا۔

--> Double Click 300 x 250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More