وزیراعظم ہرغریب شہری کیلئےآسانیاں لانا چاہتے ہیں، شوکت ترین

بول نیوز  |  Jun 14, 2021

وزیرخزانہ شوکت ترین نے کہا کہ وزیراعظم ہرغریب شہری کیلئےآسانیاں لانا چاہتے ہیں۔

تفصیلات کے مطابق وزیر خزانہ کی زیر صدارت قومی پرائس مانیٹرنگ کمیٹی کا اجلاس ہوا جس میں وفاقی وزرا،مشیروں اور معاونین سمیت دیگر حکام نے شرکت کی۔

وزیرخزانہ شوکت ترین نے کہا کہ وزیراعظم عام آدمی کی زندگی بہتر بنانے کیلئے کوشاں ہیں ، نئےمالی سال کیلئےپیش کردہ بجٹ اسی پہلوکومدنظررکھتےہوئےتیارکیا ، ہروزارت،محکمہ اورتنظیم اس سلسلے میں اپنااپناکرداراداکرے۔

انہوں نے کہا کہ روزمرہ استعمال کی اشیاکی قیمتوں کاعام آدمی پربراہ راست اثرپڑتاہے۔

اجلاس میں سیکریٹری خزانہ نے نیشنل پرائس کمیٹی کومہنگائی کےرجحان پربریفنگ دی اور کہا کہ گذشتہ ہفتےمہنگائی کی شرح میں0.59فیصدکمی ریکارڈکی گئی۔

سیکریٹری خزانہ نے کہا کہ روزہ مرہ اشیائےضروریہ میں سے9کی قیمتوں میں کمی ریکارڈکی گئی ، روزمرہ اشیامیں سے14میں معمولی اضافہ اور28میں استحکام رہا۔

اس کے علاوہ اجلاس میں اہم ضرورت کی اشیاکےدستیاب ذخائر کابھی جائزہ لیاگیا۔

--> Double Click 300 x 250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More