محمد عامر نے پاکستان کرکٹ ٹیم کیلئے اپنی دستیابی ظاہر کر دی

ہم نیوز  |  Jun 14, 2021

قومی کرکٹ ٹیم کے سابق فاسٹ بولر محمد عامر نے پاکستان کرکٹ ٹیم کے لیے اپنی دستیابی ظاہر کر دی۔

ایک انٹرویو میں انہوں نے کہا ہے کہ ملک اور وطن سے بڑھ کر کوئی چیز نہیں ہوتی، اگر میرے مسائل  حل ہوئے تو قومی کرکٹ ٹیم کا حصہ بننے کے لیے تیار ہوں۔

محمد عامر نے کہا کہ پی سی بی کے سی ای او وسیم خان دو مرتبہ میرے گھر پر چل کر آئے،میرے لیے یہ بہت عزت کی بات تھی۔

ان کا کہنا تھا کہ محمد وسیم  نے مجھے بہت عزت و تکریم دی، ماضی میں کبھی ایسا نہیں ہوا،میں نے ان کے روبرو اپنے مسائل اور ایشوز رکھے اور نکات پیش کیے جس پر انہوں نے سننے کے بعد اپنی بھرپور معاونت کا اظہار کیا ہے۔

محمد عامر نے مزید کہا کہ مسائل حل ہونگے تو  میں بھی پاکستان کے لیے دستیاب ہوں۔

انہوں نے کہا کہ ذاتی فیصلہ پر لوگ پیچھے پڑ جاتے ہیں، اس وقت پاکستان کرکٹ ٹیم کی منجمنٹ میں موجود بعض افراد نے میرے فیصلے کی منفی عکاسی کی۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More