قومی اسمبلی کا بجٹ اجلاس: حکومت نے ضابطہ اخلاق پیش کردیا

ہم نیوز  |  Jun 14, 2021

اسلام آباد: حکومت نے اپوزیشن کو قومی اسمبلی کا بجٹ اجلاس چلانے کے لیے ضابطہ اخلاق پیش کردیا ہے۔

ہم نیوز کے مطابق قومی اسمبلی کا کل ہونے والا اجلاس سہ پہر 3 کے بجائے 4 بجے ہو گا۔ اس ضمن میں اراکین اسمبلی کو مراسلہ بھجوا دیا گیا ہے۔

ذمہ دار ذرائع نے اس سلسلے میں ہم نیوز کو بتایا ہے کہ قومی اسمبلی کے بجٹ اجلاس کے حوالے سے پیش کیے جانے والے ضابطہ اخلاق میں کہا گیا ہے کہ حکومت اوراپوزیشن دونوں عمل کرنے کے پابند ہوں گے۔

ذرائع کے مطابق پورا ہاؤس اجلاس چلانے میں اسپیکر کی مدد اور فیصلہ سازی کی تعظیم کرے گا۔ ضابطہ اخلاق کے تحت ہر ممبراخلاق باختہ، ناشائستہ اورغیر پارلیمانی زبان و بیان سے پرہیزکرے گا۔

حکومت کی جانب سے پیش کیے جانے والے مجوزہ ضابطہ اخلاق کے تحت خلاف ورزی پراسپیکرکارروائی کریں گے جوسب کو قابل قبول ہوگی۔

مجوزہ ضابطہ اخلاق کے تحت ہاؤس کےاندر ویڈیو بنانے کی اجازت نہیں ہوگی، ہاؤس میں پلے کارڈ اٹھا کرمخالف پارٹی کی نشستوں پرجانےکی بھی اجازت نہیں ہوگی۔

بجٹ اجلاس: اپوزیشن کی ایوان میں شدید ہنگامہ آرائی

حکومت کی جانب سے پیش کیے جانے والے ضابطہ اخلاق کے تحت اسپیکر ڈائس پرکھڑے ہو کرنعرے بازی اور احتجاج کی اجازت نہیں ہوگی اور احتجاج صرف اپنی نشستوں پر کھڑے ہوکر ہی کیا جا سکے گا۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More