حکومت شہریوں کو ویکسین کی فراہمی کیلئے کوشاں ہے، وزیر خزانہ

بول نیوز  |  Jun 18, 2021

وزیر خزانہ شوکت ترین نے کہا ہے کہ حکومت ترجیحی بنیادوں پر شہریوں کو ویکسین کی فراہمی کیلئے کوشاں ہے۔

تفصیلات کے مطابق وزیر خزانہ شوکت ترین کی سربراہی میں کورونا ویکسین کی دستیابی سے متعلق خصوصی اجلاس ہوا جس میں وفاقی وزراء اسد عمر، عمر ایوب، معاون خصوصی ڈاکٹر فیصل سلطان نے شرکت کی۔

اجلاس میں وزیر اقتصادی امور نے ویکسین کیلئے دوست ممالک سے کریڈٹ لائن کیلئے رابطوں پر بریفنگ دی۔

اس موقع پر اسد عمر نے کہا کہ ویکسین کی بلاتعطل فراہمی کیلئے تمام اقدامات بروئے کار لائے جارہے ہیں۔

 اسد عمر نے یہ بھی کہا کہ ویکسین کی پیشگی سپلائیز کیلئے فوری ادائیگیوں کا دباؤ بھی موجود ہے۔

اجلاس کی صدارت کرتے ہوئے وزیر خزانہ شوکت ترین نے وزیر اقتصادی امور کو ہدایت دی کہ دستیاب کریڈٹ لائن کے ذریعے ویکسین کی سپلائی یقینی بنائیں۔

 وزیر خزانہ شوکت ترین نے کہا کہ حکومت ترجیحی بنیادوں پر شہریوں کو ویکسین کی فراہمی کیلئے کوشاں ہے، فنانس ڈویژن ادائیگیوں کیلئے تمام تر تعاون یقینی بنائے گا۔

--> Double Click 300 x 250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More