کوئٹہ سمیت بلوچستان کے مختلف اضلاع میں پیٹرول کی قلت

سماء نیوز  |  Jul 20, 2021

کوئٹہ سمیت بلوچستان کے مختلف اضلاع میں پیٹرول کی قلت برقرار ہے۔

بلوچستان میں نجی آئل کمپنیوں کی جانب سے پیٹرولیم مصنوعات کی سپلائی کم ہونے کے سبب متعدد پمپس بند ہوگئے ہیں۔

آل بلوچستان پیٹرولیم ڈیلرز ایسوسی ایشن کے صدر سید قیام الدین آغا کے مطابق گزشتہ کئی ماہ سے نجی کمپنیوں کی جانب سے بلوچستان کے پٹرول پمپس کو مطلوبہ مقدار میں پیٹرول اور ڈیزل فراہم نہیں کیا جارہا ہے جس کی وجہ سے کوئٹہ سمیت صوبے بھر میں پیٹرول کا مصنوعی بحران پیدا ہوگیا ہے۔

ڈپٹی کمشنر کوئٹہ عرفان نواز میمن  نے بتایا ہے کہ کراچی سے پی ایس او کے پیٹرول کی بڑی مقدار روانہ کردی گئی ہے اورتیل پہنچتے ہی کوئٹہ میں پیٹرول کی قلت ختم ہوجائے گی۔ ان کا کہنا تھا کہ عید پر شہریوں کوپیٹرول کی کوئی قلت نہیں ہوگی۔

 پیٹرول نہ ملنے کی وجہ سے شہریوں کو شدید مشکلات کا سامنا کرنا پڑا اورجہاں پیٹرول دستیاب تھا وہیں پمپس پر گاڑیوں اور موٹرسائیکلوں کی طویل  قطاریں دکھائی دیں۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More