عارف نظامی صحافت میں ایک منفرد مقام رکھتے تھے، اسد قیصر

بول نیوز  |  Jul 21, 2021

اسپیکر قومی اسمبلی اسد قیصر نےکہا ہے کہ عارف نظامی صحافت کے شعبے میں ایک منفرد مقام رکھتے تھے۔

تفصیلات کے مطابق اسپیکر قومی اسمبلی اسد قیصر اور ڈپٹی اسپیکر قاسم خان سوری نے سینئر صحافی، کالم نگار، اینکر پرسن عارف نظامی کے انتقال پر گہرے دکھ اور افسوس کا اظہار کیا ہے۔

اسپیکر اور ڈپٹی اسپیکر نے مرحوم کے اہلخانہ کے ساتھ دلی تعزیت کا اظہار کیا جبکہ اسپیکر اور ڈپٹی اسپیکر نے مرحوم کے درجات کی بلندی اور سوگوار خاندان کو اس ناقابل تلافی نقصان کو برداشت کرنے کے لیے صبر جمیل عطاء فرمانے کی دعا بھی کی۔

اسپیکر قومی اسمبلی اسد قیصر نے کہا کہ صحافت کے شعبے میں مرحوم کی جانب سے پیش کی جانے والی خدمات پر خراج تحسین پیش کرتے ہیں۔

اسد قیصر نے یہ بھی کہا کہ شعبہ صحافت ایک نامور  صحافی سے محروم ہو گیا ہے جو ایک ناقابل تلافی نقصان ہے۔

اسپیکر قومی اسمبلی اسد قیصر نے مزید کہا کہ عارف نظامی صحافت کے شعبے میں ایک منفرد مقام رکھتے تھے ان کی ملک کے لیے خدمات کو ہمیشہ یاد رکھا جائے گا۔

Adsense 300×250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More