افغان سفیرکی بیٹی پرحملہ:پاکستان نےبھارتی بیانیہ مسترد کردیا

سماء نیوز  |  Jul 22, 2021

فوٹو: ریڈیو پاکستان

پاکستان نے افغان سفیر کی بیٹی پر حملے کے معاملے پر بھارتی بیان پر سخت ردعمل کا اظہار کردیا۔

ترجمان دفتر خارجہ کا کہنا ہے کہ افغان سفیر کی بیٹی کے معاملے پر بھارتی بیان کو یکسر مسترد کرتے ہیں۔ بھارتی وزارت خارجہ کا بیان انتہائی غیرضروری اور بے منعی ہے۔

ترجمان نے بھارتی موقف پر سخت ردعمل دیتے ہوئے کہا کہ افغان سفیر کی بیٹی کا جو بھی معاملہ ہے بھارت کو اُس میں مداخلت کا کوئی حق نہیں۔ یورپی یونین ڈس انفولیب سمیت عالمی تنظیمیں بھارتی پروپیگنڈے کا پول کھول چکی ہیں، بھارت اپنے اندرونی معاملات پر نظر رکھے۔

دفتر خارجہ نے کہا کہ افغان سفیر کی صاحبزادی کے حوالے سے بھی بھارت نے جعلی تصاویر کا سہارا لیا جبکہ سوشل میڈیا پر مہم چلائی۔ پاکستان مخالف بیانیے کیلئے اس واقعے کا استعمال بدقسمتی ہے۔

افغان سفیر کی بیٹی پرحملہ:ملزم اڑتالیس گھنٹے میں گرفتار کیےجائیں،وزیراعظم

ترجمان نے مزید کہا کہ بھارت کا اگر کوئی معیار ہے تو ریاستی دہشتگردی، قبضہ گیری، قتل و غارت اور اقلیتوں کو دبانا ہے۔ اقوام متحدہ کی قراردادوں کی بے توقیری، خواتین پر مظالم اور جعلی پروپیگنڈا مہم بھارت وطیرہ ہے۔ بھارت دوسرے ممالک کو معیار کا سبق پڑھانے کے قابل نہیں۔

افغان سفیر کی بیٹی نےپولیس کو بیان ریکارڈ کرادیا

ترجمان دفتر خارجہ نے مطالبہ کیا کہ عالمی برداری افغان امن عمل داؤ پر لگانے کے بھارتی کردار کا نوٹس لے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More