شہریوں سے اپیل ہے کہ وہ مری کا رخ نہ کریں، عثمان بزدار

بول نیوز  |  Jul 23, 2021

وزیر اعلیٰ پنجاب سردار عثمان بزدار نے کہا کہ شہریوں سے اپیل ہے کہ وہ مری کا رخ نہ کریں۔

تفصیلات کے مطابق وزیر اعلیٰ پنجاب سردار عثمان بزدار نے مری آنے اور جانے والے راستوں پر ٹریفک کو رواں دواں کرنے کا حکم دیا ہے اور سی پی او راولپنڈی کو ٹریفک رواں دواں رکھنے کے لیے ہر ضروری اقدام کرنے کی ہدایت دی ہے۔

عثمان بزدار نے کہا کہ مری کے راستوں پر ٹریفک کی بحالی کے لیے ٹریفک پولیس اور انتظامی افسران متحرک انداز میں فرائض انجام دیں، ٹریفک پولیس اور انتظامی حکام سیاحوں کی سہولت کے لیے ٹریفک کو جلد بحال کروائیں، ٹریفک رواں دواں کر کے سیاحوں اور ان کی فیملیز کی مشکلات کا جلد ازالہ کیا جائے۔

وزیر اعلیٰ پنجاب عثمان بزدار نے مزید کہا کہ مری میں 3200 سے 4000 گاڑیوں کی پارکنگ کی گنجائش ہے، شام تک 60000 سے زائد گاڑیاں مری ٹول پلازہ کراس کر چکی ہیں۔

Adsense 300×250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More