انسٹاگرام کا اپنے صارفین کیلئے اہم اعلان؛ بڑی پابندی لگادی

بول نیوز  |  Jul 30, 2021

سماجی رابطوں کی مقبول ترین ویب سائٹ انسٹا گرام نے نو عمر صارفین کے لیے اہم ترین فیصلہ کرتے ہوئے بڑی پابندی لگا دی ہے۔

سوشل میڈیا رپورٹس کے مطابق انسٹا گرام کی جانب سے کیے جانے والے فیصلے کے تحت 16 سال سے کم عمر صارفین کے تمام اکاؤنٹس از خود پرائیوٹ ہو جائیں گے۔

رپورٹ کے مطابق انسٹاگرام پر اس سے قبل تمام صارفین کے اکاؤنٹس پہلے پبلک ہو تےتھے جس کے بعد صارف اپنی مرضی سے اکاؤنٹ کو پرائیوٹ کرسکتا تھا۔

انسٹا گرام پر اکاؤنٹ پرائیوٹ ہونے کے بعد صارف کی جانب سے منتخب شدہ فالوورز کو ہی لائک و کمنٹس کرنے کی اجازت ہو گی۔

میڈیا رپورٹس کے مطابق انسٹاگرام کے ترجمان کا اس حوالے سے کہنا ہے کہ ہم نے نوجوانوں کو پرائیوٹ اور پبلک اکاؤنٹس میں سے ایک منتخب کرنے کو کہا تو ہماری تحقیق کے مطابق نوجوانوں نے پرائیوٹ اکاؤنٹ کے استعمال کو ترجیح دی۔

 

Adsense 300×250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More