کورونا پر بننے والی پاکستانی فلم بین الاقوامی ایوارڈ کیلئے نامزد

بول نیوز  |  Jul 31, 2021

 کورونا پر بننے والی پاکستانی شارٹ فلم نے دنیا بھر میں پاکستان کا نام روشن کر دیا، پروڈیوسر اور ایکٹر صاحب احمد کی فلم’مختارا‘ ہالی وڈ فلم فیسٹیول اسٹالن کے لیے نام زد ہو گئی، ایوارڈ تقریب اگلے ماہ امریکہ میں منعقد ہوگی۔

تفصیلات کے مطابق عالمی وباء کورونا پر بننے والی پاکستانی مختصر فلم ’مختارا‘ بین الاقوامی ہالی ووڈ فلم فیسٹیول اسٹالن کے لئے نام زد ہوگئی۔

 اس ایوارڈ کے لئے دنیا بھر کے 120 ملکوں میں بننے والی 750 سے زائد فلموں نے حصہ لیا جس میں سے 80 فلموں کو اس فیسٹیول کے لئے نام زد کیا جبکہ مختصر فلموں کی کیٹیگری میں صرف 4  فلموں کو منتخب کیا گیا ہے جس میں سے ایک کینیڈا، 2 بھارت اور ایک پاکستانی فلم ’مختارا‘ شامل ہے۔

اس فلم کے پروڈیوسر صاحب احمد نے اپنی مدد آپ کے تحت مختصر بجٹ میں نہ صرف یہ فلم پروڈیوس کی بلکہ اس میں اداکاری کے جوہر بھی دکھائے، فلم کی دیگر کاسٹ میں نئی اداکارہ ثمن شیخ، عباس رائے، جاوید اقبال اور صاحب احمد شامل ہیں-

فلم ’ مختارا‘ لاس اینجلس ہالی ووڈ اسٹریٹ کے ٹی سی ایل تھیٹر میں 6 اگست سے اسٹالن ایوارڈ کے لئے پیش کی جائے گی۔

Adsense 300×250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More