ایف بی آر نے ماہ جولائی کا ٹیکس ریونیو ہدف سے 68 ارب سے زائد حاصل کرلیا

بول نیوز  |  Jul 31, 2021

ایف بی آر نےنئے مالی سال کے پہلے ماہ جولائی میں ہدف سے زائد ریونیو حاصل کرلیا ہے۔

 تفصیلات کے مطابق ایف بی آر نے 413 ارب روپے کا نیٹ رینیو حاصل کیا ہے جبکہ رواں مالی سال جولائی میں محصولات کا ہدف 342 ارب روپے مقرر کیا گیا تھا۔

فیڈرل بورڈ آف ریونیو (ایف بی آر) کے مطابق گزشتہ مالی سال کے مقابلےمیں 36 فیصد زائد ریونیو اکھٹا کیا  گیا ہے۔

ذرائع کا کہنا ہے کہ ماہ جولائی  میں 20 ارب روپے کے ریفنڈز جاری کئے گئے  ہیں جبکہ گزشتہ مالی سال اس عرصہ میں15.7ارب روپے ریفنڈز جاری کئے گئے تھے، ریفنڈز کے اجراء میں  26.6فیصد اضافہ حاصل ہوا ہے۔

ایف بی آر ذرائع کے مطابق ٹیکس سال 2020 کے لئے انکم ٹیکس گوشوارے داخل کرنے والوں کی تعداد35لاکھ30 ہزار ہو چکی ہے جبکہ ٹیکس  سال 2019 میں انکم ٹیکس گوشوارے داخل کرانے والوں کی تعداد 20 لاکھ 72 ہزار تھی۔

ٹیکس گوشوارں کے ساتھ ادا شدہ ٹیکس 51ارب روپے رہا ہے۔

ترجمان  ایف بی آرکا کہنا ہے کہ رواں مالی سال کے پہلے ماہ میں ٹیکس ادائیگی میں54  فیصد اضافہ حاصل ہوا ہے۔

ایف بی آر حکام کا کہنا ہے کہ پاکستان کسٹمز نے ماہ جولائی  میں 67 ارب روپے کی کسٹمز ڈیوٹی حاصل کی جبکہ  پچھلے سال 49 ارب کسٹمز ڈیوٹی حاصل ہوئی تھی۔

Adsense 300×250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More