کراچی  میں کے پی ٹی کی حدود میں ایک اور بڑا حادثہ

بول نیوز  |  Jul 31, 2021

کراچی میں کے پی ٹی کی حدود میں ایک اور بڑا حادثہ  پیش  آیا جہاں کے پی ٹی ایسٹ وہارف برتھ نمبر پانچ پر چینی کے بیگز سے بھرا کنٹینر سمندر میں جا گرا۔

تفصیلات کے مطابق کراچی پورٹ پر دس دن ٍکے دوران  یہ دوسرا بڑا حادثہ ہے۔ حاثہ  ٹرالر کے بریک فیل ہونے کی وجہ سے پیش آیا، جبکہ حادثے میں ڈرائیور محفوظ رہا۔

ذرائع کے مطابق کنٹینر میں سات سو اسی بیگز لوڈ کیے گئے تھے، کنٹینر سمندر میں گرنے سے ٹی سی پی کی کروڑوں روپے کی چینی سمندر برد ہو گئی۔

ٹی سی پی ذرائع کے مطابق ایم وی یونٹی جہاز دبئی سے ٹی سی پی کے لیے تینتیس ہزار ٹن چینی لے کر 27جولائی کو کراچی پہنچا تھا۔

لاک ڈاون کی وجہ سے کے پی ٹی پر مزدوروں کی تعداد کم ہونے سے جہاز سے چینی کی ان لوڈنگ مکمل نہ ہو سکی تھی۔

 ذرائع کاکہنا ہے کہ عید کے دن ایک کارگو جہاز بھی کے پی ٹی چینل سے ساحل پر پھنس چکا ہے۔دس دن گزرنے کے بعد بھی ساحل میں ریت میں دھنسے ہوئے جہازکو  نہیں نکالا جا سکا ہے، جبکہ کے پی ٹی کے پاس جہاز کو نکالنے کے لیے کوئی انتظام نہیں ہے۔

Adsense 300×250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More