چینی کی قیمت مقرر کرنےکے نوٹیفکیشن کیخلاف درخواستوں پرفیصلہ محفوظ

سماء نیوز  |  Aug 03, 2021

فوٹو: لاہور ہائیکورٹ ویب سائٹ

لاہور ہائیکورٹ نے شوگر ملز کی جانب سے چینی کی قیمت مقرر کرنے کے نوٹیفکیشن کے خلاف درخواستوں پر فیصلہ محفوظ کرلیا۔

منگل 3اگست کو جسٹس شمس محمود مرزا نے درخواستوں پر سماعت کی۔ عدالت نے فریقین کے دلائل سننے کے بعد فیصلہ محفوظ کرلیا جبکہ شوگر ملز مالکان کے خلاف تادیبی کارروائی نا کرنے سے متعلق بھی فیصلہ محفوظ کیا گیا۔

وکیل وفاقی حکومت اسد باجوہ نے عدالت کو بتایا کہ ان سب کو نوٹس کیے گیے ہیں۔

درخواست گزاروں کے وکلاء نے بتایا کہ یہ ہمارا اسٹاک اٹھا کر لے جائیں گے جس سے چینی کی فراہمی متاثر ہوگی، ہم کہتے ہیں کہ کوئی آڈیِٹر مختص کیا جائے جو سارے معاملے پر آڈٹ کرے۔

وکیل نے کہا کہ یہ دراصل لاہور ہائیکورٹ کے معزز جج صاحب کے حکم کی خلاف ورزی ہے کیونکہ جسٹس شاہد جمیل خان نے تمام مالکان کو سن کر متفق ریٹ مختص کرنے کا حکم دیا تھا لیکن عدالتی حکم کے باجود ہمیں سنا ہی نہیں گیا۔

درخواست گزاروں نے مؤقف اپنایا کہ حکومت کی جانب سے چینی کی نئی قمیت 89.50 روپے مقرر کی لیکن اس قیمت پر چینی فروخت کرنا ممکن نہیں۔ عدالت نے اپنے سابقہ تحریری حکم میں تمام فریقین کو سننے کا حکم دیا۔

درخواست گزاروں نے استدعا کی کہ چینی کی قیمت مقرر کرنے کا نوٹیفیکیشن کالعدم قرار دیا جائے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More