جلوسوں کے راستوں پر سٹریٹ لائٹس کو پوری طرح روشن کیا جائے، میاں اسلم اقبال

بول نیوز  |  Aug 03, 2021

صوبائی وزیر صنعت وتجارت میاں اسلم اقبال نے کہا کہ جلوسوں کے راستوں پر سٹریٹ لائٹس کو پوری طرح روشن کیا جائے۔

تفصیلات کے مطابق صوبائی وزیر صنعت وتجارت میاں اسلم اقبال نے اپنے صوبائی حلقے میں ظفر کالونی، سادات کالونی، کالی کوٹھی، نائیک کالونی اور دیگر علاقوں میں مختلف امام بارگاہوں کا دورہ کیا اور محرم الحرام کے حوالے سے سیکورٹی اور دیگر انتظامات کا جائزہ لیا۔

اس کے علاوہ میاں اسلم اقبال نے ماتمی جلوسوں اور امام بارگاہوں کے منتظمین سے سیکیورٹی اور دیگر معاملات کے بارے میں تبادلے خیال کیا۔

اس موقع پر پولیس، سالڈ ویسٹ مینجمنٹ، واسا، لیسکو اور دیگر اداروں کے افسران بھی صوبائی وزیر کے ہمراہ تھے۔

صوبائی وزیر صنعت وتجارت میاں اسلم اقبال نے کہا کہ جلوسوں کے راستوں پر یکم محرم سے قبل پیچ ورک کا کام مکمل کر لیا جائے اور تمام راستوں کی سٹریٹ لائٹس کو بھی پوری طرح روشن کیا جائے، کہیں کچرا یا گندگی نظر نہیں آنی چاہیے۔

میاں اسلم اقبال نے امام بارگاہوں کے دورے کے موقع پر لوگوں سے گفتگو کرتے ہوئے کہا کہ محرم الحرام کے دوران امن عامہ اوربھائی چارے کی فضا کو ہر قیمت پر برقرار رکھنا ہے، معاشرے میں رواداری، اخوت اور برداشت کے جذبات کو فروغ دینے کیلئے ہر فرد کو اپنا کردار ادا کرے۔

صوبائی وزیر نے ہدایت دی کہ محرم الحرام کے دوران سیکیورٹی کے فول پروف انتظامات کیے جائیں اور تمام ادارے مربوط انداز میں کام کریں۔

میاں اسلم اقبال نے مزید کہا کہ ماتمی جلوسوں اور امام بارگاہوں کے منتظمین سے ملاقات میں یقین دلایا کہ عزاداروں کو محرم الحرام کے دوران عبادات کی ادائیگی کے لئے پرامن ماحول مہیا کیا جائے گا۔

Adsense 300×250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More