’تاریخ بن گئی‘، انڈین ہاکی ٹیم کا 41 سال بعد اولمپکس میں میڈل

اردو نیوز  |  Aug 05, 2021

انڈیا کی قومی ہاکی ٹیم نے ایک سخت مقابلے میں جرمنی کو شکست دیتے ہوئے ٹوکیو اولمپکس میں کانسی کا میڈل جیت لیا ہے۔

انڈین نیوز سائٹ منٹ کے مطابق انڈین ہاکی ٹیم نے جرمنی کو 4-5 کے مقابلے سے ہراتے ہوئے 41 سال بعد اولمپکس میں کوئی میڈل جیتا ہے۔

انڈیا نے آخری آٹھ اولمپکس گولڈ میڈل سنہ 1980 کی ماسکو گیمز میں جیتے تھے۔

ماضی میں آٹھ بار گولڈ میڈل جیتنے والی انڈین ہاکی ٹیم نے پچھلی چار دہائیوں میں ایک دل دہلا دینے والے زوال کا مقابلہ کیا اور اب گذشتہ دو سالوں کی بحالی کو اولمپک میڈل کے ذریعے ثابت کیا ہے۔

منپریت سنگھ کی قیادت اور آسٹریلیا کے گراہم ریڈ کی کوچنگ میں اس تاریخی فتح کے بعد فیلڈ میں انڈین کھلاڑیوں کی آنکھوں میں آنسو تھے اور وہ ایک دوسرے سے گلے ملتے رہیں۔

یہ اولمپکس کی تاریخ میں ہاکی میں انڈیا کا تیسرا کانسی کا میڈل ہے۔

انڈین ہاکی ٹیم کی اس فتح پر سماجی رابطے کی ویب سائٹ ٹوئٹر پر انہیں مبارک باد دی جا رہی ہے۔

انڈین وزیراعظم نے نریندر مودی کے آفیشل اکاؤنٹ سے ٹویٹ کیا کہ ’تاریخی! ایک ایسا دن جو ہر انڈین کی یاد میں نقش ہوگا۔ ہماری مردوں کی ہاکی ٹیم کو برونز جیتنے پر مبارکباد۔‘

ایکٹنگ کے بادشاہ شاہ رخ خان نے بھی ٹیم کو مبارک باد دیتے ہوئے ٹویٹ کیا کہ ’ابھرنے کی قوت اور مہارت اپنے عروج پر۔ کیا دلچسپ میچ تھا۔‘

Wow!! Indian Men’s Hockey Team Congratulations. Resilience and skill at its peak. What an exciting match.

— Shah Rukh Khan (@iamsrk) August 5, 2021

بلینک نامی ایک صارف نے اپنی خوشی کا اظہار کرتے ہوئے کہا ’الیکسا نے ’چک دے انڈیا‘ لگایا ہے کیونکہ ہمارے لڑکے جیت گئے ہیں۔ تاریخ رقم ہوئی ہے۔‘

سابق کرکٹر گوتم گھمبیر نے بھی انڈین ٹیم کی اس فتح پر ٹویٹ کرتے ہوئے کہا کہ ’1983، 2007 اور 2011 بھول جائیں۔ ہاکی میں یہ میڈل کسی بھی ورلڈ کپ سے بڑا ہے۔‘

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More