اداکارہ کاجول کا اپنے شوہر اجے دیوگن کے متعلق اہم انکشاف

بول نیوز  |  Aug 05, 2021

بالی ووڈ اداکارہ کاجول نے ایک انٹرویو کے دوران انکشاف کیا تھا کہ پہلی ملاقات میں اجے انہیں بالکل پسند نہیں آئے تھے۔

بھارتی میڈیا کے مطابق آج 5 اگست کو 47 ویں سالگرہ منانے والی کاجول کی اجے سے ملاقات 1995 میں فلم ہلچل کے سیٹ پر ہوئی تھی۔

کاجول نے ایک انٹرویو میں بتایا کہ ملاقات سے 10 منٹ پہلے میں نے اجے کو دیکھتے ہی برا بھلا کہا تھا۔

اداکارہ کا کہنا تھا کہ میں اپنے شوٹ کے لئے تیار تھی، میں نے پوچھا میرا ہیرو کہاں ہے؟ کسی نے اجے کی طرف اشارہ کیا جو ایک کونے میں بیٹھا ہوا تھا، میں نے اسے دیکھتے ہی برا بھلا کہنا شروع کردیا۔

اداکارہ نے مزید بتایا کہ میں اس وقت کہہ رہی تھی کہ یہ لڑکا کون ہے؟ اس کی شخصیت کس قسم کی ہے؟ کیونکہ اجے سب سے الگ تھلگ بیٹھا سگریٹ پی رہا تھا۔

کاجول نے کہا کہ آہستہ آہستہ ہماری دوستی کا آغاز ہوگیا، ہم سیٹ پر بات چیت کیا کرتے تھے، اس وقت میں کسی کو ڈیٹ کررہی تھی اور اپنے بوائے فرینڈ کی شکایات اجے سے کیا کرتی تھی مگر بعد ازاں ہم دونوں کو ایک دوسرے کے ساتھ وقت گزارنا اچھا لگنے لگا، ہم میں سے کسی نے باقاعدہ ایک دوسرے کو پروپوز نہیں کیا تھا کیونکہ یہ کافی لازمی بات تھی کہ ہم نے شادی کرنی ہے۔

واضح رہے کہ اس بھارتی فلم انڈسٹری کی مقبول جوڑی اجے اور کاجول کی شادی 24 فروری 1999 کو ہوئی تھی۔

Adsense 300×250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More