آئی فون چلانے والے صارفین ہیوی بائیک پر آئی فون کے ساتھ سفر نہیں کر سکتے کیونکہ بائیک کی وائبریشن سے آئی فون کا کیمرہ بری طرح متاثر ہونے کا خدشہ ہے۔
موبائل ٹیکنالوجی کی ایک کمپنی نے آئی فون سے متعلق ایک وارننگ شائع کی ہے جو بالخصوص ہیوی بائیک چلانے والے افراد کے لیے ہے۔
ایک معروف ویب سائٹ جو آئی فون کے برانڈ سے متعلق خبریں پوسٹ کرتی ہے،کے مطابق ہیوی بائیکس کے انجن کی تھرتھراہٹ فون کے آپٹیکل امیج اسٹیبلائزیشن یا کلوز لوپ آٹو فوکس کے نظام کو نقصان پہنچا سکتی ہے۔
اس سے پہلے بھی سوشل میڈیا پر متعدد صارفین کی جانب سے یہ شکایت سامنے آچکی ہےکہ ان کے موبائل فونز موٹرسائیکل پر سفر کے بعد خراب ہوچکے ہیں اور ایپل کمپنی کا کہنا تھا کہ آئی فون کے کئی ماڈل اس نقصان کا شکار ہیں۔
واضح رہے کہ اکژ افراد ہیوی بائیکس پر گوگل میپ کو استعمال کرنے کیلئے اپنے آئی فونز ہیوی بائیکس سے کنیکٹ کر لیتے ہیں۔