ایشین اسنوکر چیمپئین شپ میں پاکستانی کیوئسٹ نے ناک آؤٹ راؤنڈ کیلئے کوالیفائی کر لیا

بول نیوز  |  Sep 14, 2021

ایشین اسنوکر چیمپئین شپ میں دونوں پاکستانی کیوئسٹ نے ناک آؤٹ راؤنڈ کے لئے کوالیفائی کر لیا ہے۔

تفصیلات کے مطابق  منگل کو کھیلے گئے مقابلوں میں حارث طاہر نے ہانگ کانگ کے کیوئسٹ کو 4-1(39-78, 89-0(70), 81-44, 108-0(108), 99-26(59),) سے جبکہ بابر مسیح نے قطری حریف کو4-3(70-80, 55-16, 70-22(50), 73-17, 0-89(81), 36-59, 68-16(53 سے شکست  دےدی۔

ایشین اسنوکرچیمپئین شپ کے سیمی فائنل مقابلے دوحہ قطر میں کھیلے جائیں گے جبکہ فائنل16 ستمبر کو کھیلاجائے گا۔

چیمپئن شپ میں 19 ممالک کے 42 کھلاڑیوں نے  حصہ لیاہے جن میں پاکستان سمیت بھارت، عراق، متحدہ عرب امارات، قطر، نیپال، ایران، ہانگ کانگ، اردن، فلسطین، اومان، کویت، افغانستان، بحرین، لبنان، سعودی عرب، یمن، شام اور منگولیا کے کھلاڑی شامل ہیں۔

یاد رہے کہ ایشین اسنوکر چیمپئین شپ 12سے 16 ستمبر تک دوحہ قطر میں کھیلی جا رہی ہے ۔

 چیمپئن شپ میں دو کھلاڑی پاکستان کی نمائندگی کررہے ہیں جن میں بابر مسیح اور حارث طاہر شامل ہیں، ان کے ہمراہ نوید کپاڈیہ بطور آفیشل ریفری ہیں۔

اس کے علاوہ یہ کھلاڑی آئی بی ایس ایف قطر سکس ریڈا سنوکر ورلڈ کپ میں شرکت کریں گے۔

واضح رہے کہ  یہ ایونٹ 17 سے 21 ستمبر تک دوحہ میں کھیلا جائے گا جس میں دنیا بھر سے کھلاڑی حصہ لیں گے۔

AdPushup 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More