قندھار میں بھی مقامی لوگوں کا مطالبات کے حق میں مظاہرہ

سماء نیوز  |  Sep 15, 2021

پنج شیر کے بعد قندھار میں بھی مقامی لوگوں نے دعویٰ کیا کہ طالبان کی جانب سے انہیں اپنے گھروں سے نکلنے کا حکم دیا گیا ہے۔

قندھار میں آج سیکڑوں لوگوں نے طالبان کی اس مبینہ حکم کے بعد احتجاجی ریلی نکالی تھی جس میں خواتین کی بھی ایک بڑی تعداد شریک تھیں۔

بی بی سی پشتو کے مطابق وزارت دفاع کی ملکیت قندھار کے اس علاقے میں تقریباً تین ہزار ایسے لوگ رہائش پزیر ہیں جن کی اکثریت سابقہ حکومت کے ملازمین پر مشتمل ہیں۔

سوشل میڈیا پر گردش گرتی ویڈیوز میں صوبائی سیکرٹریٹ کے باہر مظاہرے میں شریک لوگوں کا کہنا ہے کہ انہیں طالبان کی جانب سے علاقہ خالی کرنے کا حکم ملا ہے ہمیں بتایا جائے کہ ہم اپنے بچوں سمیت کہاں جائیں۔

مقامی ذرائع کے مطابق یہ سرکاری زمین ہے جس پر لوگوں نے اپنے پیسوں سے مکانات بنائے ہیں جن میں ایسے لوگ بھی شامل ہیں جو انتہائی غریب ہیں۔

طالبان کی قبضے کے بعد مقامی رہائشیوں نے یہ الزام بھی لگایا تھا کہ طالبان اس علاقے میں اپنے لوگوں بسانا چاہتے ہیں۔

واضح رہے کہ کابل پر طالبان کے قبضے کے بعد سے ملک کے مختلف حصوں میں اس وقت احتجاجی مظاہرے جاری ہیں جس میں خواتین اور میڈیا سے وابستہ لوگ قابل ذکر ہے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More