وزارت ریلوے نے ملک بھر میں افسران کے ٹرانسفر اینڈ پوسٹنگ پر پابندی عائد کردی

بول نیوز  |  Sep 15, 2021

وزارت ریلوے نے ملک بھر میں افسران کے ٹرانسفر اینڈ پوسٹنگ پر پابندی عائد کردی ہے۔

تفصیلات کے مطابق وزارت ریلوے کا کہنا ہے کہ اگر کسی بھی آفیسر کا تبادلہ کرنا مقصود ہوا تو اسکی سربراہان سے اجازت لینا ضروری ہوگا۔

وزارت ریلوے کا کہنا ہے کہ تمام ڈویژنل سپرنٹنڈنٹس اور چیف آفیسر کو مراسلہ جاری کر دیا ہے ، ایڈیشنل جنرل مینیجرز ڈائریکٹرز اور اکاؤنٹس افسران کو بھی مراسلہ جاری کر دیا ہے۔

اس سے قبل وزارت ریلوے کا کہنا تھا کہ یکم اکتوبر 2021 کے بعد کم از کم کورونا ویکسین کی ایک ڈوز لگوانے والے مسافروں کو سفر کرنے کی اجازت ہو گی۔

ترجمان ریلوے کا کہنا تھا کہ کورونا ویکسین لگوانے سے متعلق عوام کی آگاہی کے لیے پاکستان ریلوے باقاعدہ مہم کا آغاز کر رہا ہے۔

ترجمان ریلوے کا کہنا تھا کہ اس آگاہی کے لیے الیکٹرانک اور سوشل میڈیا پر باقاعدہ مہم کا آغاز کیا جا رہا ہے ، ریلوے اسٹیشنز پر پوسٹرز بھی لگائے جائیں گے اور لوگوں میں پمفلٹس بھی تقسیم کیے جائیں گے۔

AdPushup 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More