مسلم لیگ ن کے صدر آج کراچی پہنچیں گے

بول نیوز  |  Sep 19, 2021

پاکستان مسلم لیگ (ن) کے صدر اور قائد حزب اختلاف شہباز شریف آج کراچی پہنچیں گے۔

تفصیلات کے مطابق پاکستان مسلم لیگ (ن) کے صدر اور قائد حزب اختلاف شہباز شریف بلوچستان نیشنل پارٹی کے سربراہ سردار اختر مینگل کی رہائش گاہ جائیں گے۔

ذرائع کے مطابق قائد حزب اختلاف شہباز شریف اختر مینگل سے ان کے والد سردار عطا اللہ مینگل کی وفات پر تعزیت اور فاتحہ خوانی کریں گے۔

خیال رہے کہ پاکستان مسلم لیگ (ن) کے صدر شہباز شریف دورہ کراچی کے موقع پارٹی اجلاس کی بھی صدارت کریں گے۔

واضح رہے کہ اس سے قبل الیکشن کمیشن کے ممبران کی تقرری کے حوالے سے قومی اسمبلی میں قائد حزب اختلاف شہباز شریف نے وزیراعظم عمران خان کو خط لکھا تھا۔

اپوزیشن لیڈر شہباز شریف کی جانب سے وزیراعظم عمران خان کے 26 اگست کے خط کے جواب میں خط بھیجا گیا تھا جس میں انہوں نے ممبر الیکشن کمیشن پنجاب کے لیے 6 نام تجویز کیے تھے۔

شہباز شریف نے ممبر پنجاب کے لیے جسٹس ریٹائرڈ طارق افتخار، جسٹس ریٹائرڈ مشتاق، خالد مسعود، جاوید انور، سابق اٹارنی جنرل عرفان قادر اور عرفان علی کا نام تجویز کیا تھا۔

اس کے علاوہ شہباز شریف نے ممبر الیکشن کمیشن خیبرپختونخوا کے لیے افسر شاہ، سردار حسین اور سہیل الطاف کے نام بھی تجویز کیے تھے۔

Adsence 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More