وزیر توانائی سندھ کی زیرصدارت تھر فاؤنڈیشن کا اجلاس

بول نیوز  |  Sep 19, 2021

وزیر توانائی سندھ امتیاز شیخ کی زیرصدارت تھر فاٶنڈیشن کا اجلاس ہوا ہے۔

تفصیلات کے مطابق وزیر توانائی سندھ امتیاز شیخ کی زیرصدارت تھر فاٶنڈیشن کا اجلاس ہوا جس میں ماہر معاشیات قیصر بنگالی سمیت دیگر حکام نے شرکت کی ہے۔

اجلاس میں ماہر معاشیات قیصر بنگالی نے اسلام کوٹ ترقیاتی سروے کے بارے میں تجاویز پیش کردی ہے۔

اجلاس میں فیصلہ کیا گیا ہے کہ تھر فاؤنڈیشن قیصر بنگالی کی سربراہی میں بیس لائن سروے کے اعداد و شمار کی روشنی جامع ترقیاتی منصوبے کی رپورٹ مرتب کرے گی اور علاقے میں صحت، تعلیم، پینے کے صاف پانی، نکاسی آب، روزگار کی فراہمی اور دیگر ترقیاتی اسکیموں کے حوالے سے تجاویز پیش کی جائیں گی۔

خیال رہے کہ تھر فاؤنڈیشن اگلے 10 ہفتوں میں جامع ترقیاتی پلان وزیر توانائی سندھ کو پیش کرے گی۔

وزیر توانائی سندھ امتیاز شیخ نے کہا کہ اسلام کوٹ کو اقوام متحدہ کے پاٸیدار ترقی کے اہداف کے طور پر ماڈل تعلقہ بنایا جائے گا، پیپلز پارٹی کی حکومت تھر کے وساٸل کو سب سے پہلے تھر کے عوام کی فلاح و بہبود کے لیے مہیا کرنے کی پالیسی پر عمل پیرا ہے۔

Adsence 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More